Toshkentda UzMedExpo 2024 tibbiyot ko‘rgazmasi bo‘lib o‘tadi

18-dan 20-sentabrgacha "O'zekspomarkaz"da UzMedExpo 2024 bo'lib o'tadi. Ko'rgazmada zamonaviy tibbiyot yutuqlari namoyish etiladi.

O'zbekistondagi eng yirik xalqaro ko'rgazmalar tashkilotchilaridan biri – International Expo Group ko'rgazma kompaniyasi kuzgi mavsumni 18-dan 20-sentabrgacha "O'zekspomarkaz" AJ MBKda bo'lib o'tadigan 16-Xalqaro UzMedExpo 2024 tibbiyot ko'rgazmasi bilan ochadi.

Tadbir O'zbekiston Respublikasi Prezidentining 06.09.2023-yildagi "Sog'liqni saqlash vazirligi faoliyatini yanada takomillashtirish chora-tadbirlari to'g'risida"gi PF-156-sonli Farmoniga tayangan holda, ilg'or xorijiy tajriba asosida xalqaro tashkilotlar va xorijiy kompaniyalarni jalb qilishi bilan alohida ahamiyat kasb etadi.

Har yili UzMedExpo tibbiy texnika va uskunalar, dori vositalari, zamonaviy sarf materiallari, tibbiyot sohasidagi innovatsion tovarlar va xizmatlarning so'nggi ishlanmalarini namoyish etish uchun maqsadli maydon bo'lib xizmat qiladi. 2024-yilda tadbir doirasida O'zbekiston, Germaniya, Qozog'iston, Xitoy, Koreya Respublikasi, Rossiya, Turkiya kompaniyalari ishtirok etadi. Har yili Eron ishlab chiqaruvchilari yagona milliy stend ostida qatnashadilar, Rossiyaning qator hududlari kompaniyalari esa jamoaviy stendlar bilan taqdim etilgan.

Xalqaro ko'rgazmalar mintaqadagi iqtisodiy jarayonlarning aksidir. Ular mahalliy va xorijiy iste'molchilarga ilg'or tovarlarni, ishlab chiqarishning turli tarmoqlari yutuqlarini, dolzarb muammolarni hal qilishning innovatsion usullarini namoyish etish, shuningdek, ularning jahon bozoridagi raqobatbardoshligini ko'rsatish uchun mo'ljallangan.

2023-yilgi tadbir ma'lumotlariga ko'ra, 3 300 ga yaqin tashrif buyuruvchi ro'yxatga olingan. Ularning aksariyat qismini O'zbekiston Respublikasi viloyatlaridan kelgan shifokorlar va mutaxassislar, tibbiy texnika, uskunalar va sog'liqni saqlash sohasi uchun texnologiyalarni ishlab chiqarish, tarqatish va sotish bo'yicha kompaniya va korxonalar direktorlari hamda rahbarlari, xorijiy kompaniyalar vakolatxonalari rahbarlari, soha idoralari vakillari tashkil etdi.

UzMedExpo 2024 ko'rgazmasida quyidagi bo'limlar taqdim etiladi:
➡️ «Shifoxona va klinikalar uchun tibbiy uskunalar. Diagnostika»;
➡️ «Farmatsevtika»;
➡️ «Stomatologiya»;
➡️ «Oftalmologiya va nevrologiya»;
➡️ «Ortopediya va reabilitatsiya»;
➡️ «Tibbiyotda IT-yechimlar»;
➡️ «Tibbiy turizm va xizmatlar»;
➡️ shuningdek, maxsus «Go'zallik va salomatlik» bo'limi.

Tibbiyotda IT-yechimlariga alohida e'tibor qaratiladi, chunki sog'liqni saqlash tizimini raqamlashtirish, qog'ozbozlik va navbatlarni tugatish, shuningdek, aholi tibbiyot muassasalariga murojaat qilganda ular uchun qulayliklar yaratish – «Aholi salomatligi-2030» strategiyasining bandlaridan biridir. Uning doirasida insonlar salomatligi va hayoti sifatini yaxshilashga qaratilgan ustuvor vazifalar belgilanadi.

Belgilangan vazifalarni amalga oshirishda Xalqaro ko'rgazma ishtirokchisi - UZINFOCOM kompaniyasi yordam beradi. O'zbekistonning raqamli kelajagi me'mori asosiy davlat resurslarini raqamlashtirmoqda, sun'iy intellektni rivojlantirishga hissa qo'shmoqda va mamlakatning raqamli kelajagini shakllantirishda ishtirok etishni davom ettirmoqda. Raqamlashtirish bevosita bemorlar salomatligi bilan bog'liq bo'lgan tibbiyot yo'nalishlari va texnologiyalariga yanada ko'proq e'tibor qaratish imkonini beradi.

Sifatli tibbiy uskunalar zamonaviy tibbiyotda muhim rol o'ynaydi, aniq diagnostika, samarali davolash va bemorlar hayot sifatini yaxshilashni ta'minlaydi. UzMedExpo 2024 doirasida Intermed Innovation kompaniyasi zamonaviy yuqori sifatli va hamyonbop tibbiy uskunalar, reagentlar, sarf materiallari bilan tanishtiradi. Eng yirik distribyutorlardan biri Endo-System turli sohadagi davolash muassasalarini jihozlash bo'yicha tajribasi bilan o'rtoqlashadi. Trust Medical Equipment yuqori funksionallik va samaradorlikka ega ishonchli uskunalarni ta'minlaydi – kompaniya Yevropa va Osiyo ishlab chiqaruvchilari bilan hamkorlikda ishlaydi. Shuningdek, Sun Gate International faoliyati tufayli jahon ishlab chiqaruvchilari bilan tanishish mumkin. Fizioterapiya va balneologiya uchun tibbiy uskunalar olish uchun – Mongoose Engineering Inc kompaniyasiga, mezoterapiya va biorevitalizatsiya uchun mahsulotlar, fillerlar va bo'g'im ichi sinovial suyuqlik protezlari uchun esa – «Infarm»ga murojaat qilish mumkin.

UzMedExpo 2024 ning barcha ishtirokchilari bilan 18-sentabr kuni soat 11:00 da "O'zekspomarkaz"ning 1-pavilionida tanishish mumkin bo'ladi.

Ko'rgazmaning ish vaqti:
➡️ 18-sentabr soat 11:00 dan 17:00 gacha;
➡️ 19-sentabr soat 10:00 dan 17:00 gacha;
➡️ 20-sentabr soat 10:00 dan 16:00 gacha.

UzMedExpo 2024 ko'rgazmasiga havola orqali ro'yxatdan o'tish mumkin.

Ma'lumot uchun telefon: +998-71-238-59-59
Facebook: @InternationalExpoGroup
Instagram: @ieg_uz
Telegram: @IEGUz
Veb-sayt: www.ieg.uz