Reproduktiv tibbiyot markazi

YORDAMCHI REPRODUKTIV TEXNOLOGIYALARNI (YRT) QOʻLLAGAN HOLDA BEPUSHTLIKNI DAVOLASH KLINIKASI

Klinika ishining asosiy tamoyillari – sinchkovlik bilan diagnostika qilish va batafsil prognozlashdir. Bunday yondashuv koʻpincha sunʼiy aralashuvlarga murojaat qilmasdan bepushtlikni davolash imkonini beradi. Barcha tayinlovlar va qarorlar mutaxassislar konsiliumi tomonidan qabul qilinadi.

Klinikaning asosiy vazifasi erkaklar va ayollardagi bepushtlikni davolashdir. Markazimiz mutaxassislari oilalarga ota-onalik baxtiga erishishga, bepushtlikning eng ogʻir shakllarini davolashga va katta reproduktiv yoshdagi ayollarga homilador boʻlishga yordam berishadi.

Markazimizning vazifasi – innovatsion reproduktiv texnologiyalar, EKO (UKU) dan foydalangan holda eng yuqori natijani koʻrsatish, shuningdek, homila dorish jarayonidagi xavflarni bartaraf etishdir.

Mutaxassislarimiz ishining tamoyillari:

► Reproduktiv tizim bilan bogʻliq kasalliklarni davolashda har bir mijozga individual yondashuv, homiladorlikni kuzatish va psixologik yordam koʻrsatish. Biz nafaqat standart EKO protokollaridan, balki terapiya samaradorligini oshiradigan va asoratlar xavfini kamaytiradigan eng yangi YRT usullaridan ham foydalanamiz.
►Barcha genetik xususiyatlarni hisobga olgan holda, individual oʻziga xosliklarni aniqlash uchun har ikkala turmush oʻrtogʻini batafsil koʻrikdan oʻtkazish. Ushbu yondashuv boladagi ehtimoliy nuqsonlarni oldindan aniqlash imkonini beradi.
►EKOdan keyingi homiladorlikning yuqori koʻrsatkichlari, birinchi urinishdayoq barcha toifadagi bemorlar orasida 40-50% ni tashkil etadi. Markazning barcha zarur jihozlari va laboratoriyalari doimiy ravishda takomillashtirib borilayotgani sababli klinikamiz bunday yuqori koʻrsatkichlarga erishdi. Reproduktiv tibbiyot markazi mutaxassislari – bular koʻp yillik tajribaga ega shifokorlar boʻlib, ular Yevropaning eng yaxshi reproduksiya markazlarida oʻz malakalarini muntazam oshirib boradilar.
►Tijoriy yondashuvsiz pullik davolash xizmatlarini koʻrsatish. Shifokorlarimiz tomonidan tayinlanadigan barcha muolajalar va xizmatlar Sogʻliqni saqlash vazirligi reglamentiga qatʼiy mos keladi. Aksariyat muolajalarni oʻzingizga qulay joyda oʻtishingiz mumkin, biz barcha tahlillarni aynan bizning klinikamizda topshirishga majburlamaymiz.

BIZNING XIZMATLAR

► Genetik tadqiqotlar
► Reproduksiya
► Homiladorlikni kuzatish
► UZI (UTT)
► Ginekologiya
► Andrologiya
► Tor doiradagi mutaxassislar

Центр репродуктивной медицины - reproduktiv tibbiyot sohasidagi barcha xizmatlarni taqdim etadi. U hatto eng umidsiz juftliklarga farzand koʻrish muammosini hal qilishga imkon beruvchi qator dasturlarni taqdim etadi. Markazda ayollar va erkaklardagi bepushtlikni yengish uchun toʻliq siklli yordamchi reproduksiya EKO boʻyicha yuqori malakali tibbiy xizmatlar, har bir bemorni davolashga individual yondashuv, professionallarning jipslashgan jamoasi va Toshkent markazida davolanish uchun qulay sharoitlar yaratilgan. Klinikasmiz Oʻrta Osiyoda EKO oʻtkazuvchi klinikalar orasida haqli ravishda yetakchi oʻrinlardan birini egallaydi va Oʻzbekistondagi yagona klinikadir. Biz doimiy ravishda innovatsion texnologiyalarni joriy etamiz, bu esa bemorlarga sifatli va samarali davolanish imkonini beradi.

Professionallik va mukammallikka intilish

Markazimiz shifokorlari Rossiya, Yevropa va Amerika Inson Reproduksiyasi Assotsiatsiyalari aʼzolari boʻlib, muntazam ravishda dunyoning yetakchi mutaxassislaridan bepushtlikni davolash boʻyicha taʼlim oladilar, shuningdek, xalqaro va Rossiya konferensiyalari hamda forumlarida ishtirok etadilar.
Klinikada tibbiyotning turli yoʻnalishlari mutaxassislari: akusher-ginekologlar, reproduktologlar, embriologlar, urolog-androloglar, shuningdek, genetiklar faoliyat yuritadi. Bundan tashqari, har hafta qoʻshma shifokorlar konsiliumlari oʻtkazilib, ularda har bir bemor uchun maqbul davolash rejalari tuziladi.

Yuqori texnologiyalar

Klinika embriologiya boʻlimiga alohida joy ajratadi, uning asosiy afzalliklaridan biri dunyodagi eng yangi yutuqlarga muvofiq jihozlangan embriologik tadqiqotlar uchun oʻz laboratoriyasidir. Biz embrionlarning yetilishi uchun eng maqbul sharoitlarni yaratuvchi inkubatorlar, lazerli xetching apparati, yevropalik ishlab chiqaruvchilarning oʻstirish muhitlari va kriokonservatsiya uchun maxsus tizimlardan foydalanamiz. Ushbu texnologiyalar EKO natijalarining yuqori foizini taʼminlaydi.

Diagnostika

Diagnostika laboratoriyamizning barcha apparatlari erkaklar va ayollarning reproduktiv hamda peshob-tanosil tizimi kasalliklarini maksimal darajada aniq tadqiq qilish imkonini beradi. Professional ultratovush uskunalari mutaxassisga aniq va batafsil tasvirlarni olishga yordam beradi, SCA eyakulyatni tahlil qilish uchun moʻljallangan kompyuter uskunasi esa JSSTning 2010 yildagi 5-tavsiyalariga muvofiq bir necha soniya ichida batafsil tadqiqot natijasini taqdim etishga qodir.

Shaxsiy maʼlumotlarni himoya qilish

Biz barcha maxfiylik qoidalariga rioya qilamiz va Siz haqingizdagi barcha maʼlumotlar (kasallik tarixi, diagnostika va davolash natijalari, davolash usullari va h.k.) qatʼiy maxfiy hisoblanadi.

Qulaylik

Xushmuomala xodimlar har doim yordam berishdan mamnun boʻlishadi va Sizni qiziqtirgan barcha savollarga javob berishadi. Klinikasmizda hamma narsa bemorlar qulayligi uchun yaratilgan: keng va yorugʻ xonalar, qulay kutish joylari, u yerda administrator kofe yoki choy taklif qiladi.